Rama flet për kullat: Vetëm 4 kemi për momentin në Tiranë

Në fjalën e tij në Këshillin Bashkiak të Tiranës para betimit të Erion Veliaj në mandatin e dytë, kryeministri Rama ka cekur edhe temën e nxehtë të ngritjes së kullave në kryeqytet.

Rama tha se ky është një debat i nxitur me qëllime të këqija nga Opozita e sotme.

Sipas shefit të qeverisë në kryeqytetin tonë aktualisht janë vetëm dy kulla të ngritura dhe funksionale, dhe dy të tjera që janë në ndërtim e sipër.

Edi Rama tha se edhe nëse do të ndërtohet të tjera në të ardhmen, ato do të jenë me standardet më të larta arkitektonika.

“Sa për Kullat ja t’i numërojmë. Janë kulla të ngritura me baltë shpifje, saqë meraku mos shpifjet kthehen në kulla nuk është e aspak e pavend. Kulla si bukë, PPP si djathë. Unë numëroj vetëm 2 kulla, Plazën dhe Kulla në ndërtim, 2 kulla e stadiumit dhe ajo te banka e Shqipërisë, 4 kulla dhe 4 miliardë llafe për kullëzimin apokaliptik të Tiranës. 880 mijë m2 në vetëm 85 leje, ndërsa Veliaj, 130 m2 më pak për 100 leje ndërtimi më shumë”, -u shpreh Kryeministri.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern