Qëllohen me armë inspektorët e mjedisit nga Tirana, ja çfarë zbuluan në kamionë

Mbrëmjen e djeshme persona të paidentifikuar kanë qëlluar me armë në drejtim të inspektorëve të pyjores dhe mjedisit në Bulqizë.

Ngjarja ndodhi në Ternovë, ku inspektorët e mjedisit nga Tirana bashkë me inspektorët e pyjores në Dibër kanë identifikuar katër kamionë të ngarkuar me lëndë drusore.

Personat që ndodheshin në kamionë kanë qëlluar me armë në drejtim të makinës së inspektorëve por për fat të mirë nga plumbat nuk mbeti asnjë person i lënduar.

Dyshohet se në kamionë ishin ngarkuar lëndë drusore që do të shërbenin si shylla në galeritë e minierave.