PS bëri kërkesë, Gjykata e Durrësit vërteton mandatin e kryebashkiakes Valbona Sako

Gjykata e Durrësit ka vërtetuar mandatin e Valbona Sakos, si kryetarja më e re e Bashkisë së këtij qyteti.

Vendimi erdhi pas kërkesës së PS e cila iu drejtua gjykatës ditën e sotme, ku kërkoi që të njihej mandati i Valbona Sakos, e cila u shpall fituese në zgjedhjet e 30 qershorit.

Seanca për rishqyrtimin e vendimit u zhvillua ditën e sotme në Gjykatën e Durrësit me gjyqtar, Shpëtim Rekën.

Kujtojmë se dy ditë më parë gjykata e Shkallës së Parë në Durrës refuzoi t’i jepete mandatin Sakos, duke i cilësuar zgjedhjet e 30 qershorit si të paligjshme, pasi subjekti tjetër në garë, Bindja Demokratike’ ishte regjistruar jashtë afatit.