Probleme për Netflix, bien ndjeshëm fitimet në dy muajt e fundit

Gjigandi mediatik, Netflix ka kapërcyer shifrën e 150 milionë abonentëve të regjistruar, por mediet ndërkombëtare shkruajnë për një lëkundje të fitimeve të kësaj kompanie. Netflix pati një rënie të ndjeshme nga parashikimi për abonimet e reja.

Vetëm 2,7 milionë abonentë të rinj arriti të shtonte Netflix në tremujorin e dytë të këtij viti. Kjo shifër është tejet e ulët nëse do e krahasonim me 5 milionë dollarët që ishin parashikuar nga analistët.

Fitimet e Netflix ranë në 271 miliardë dollarë gjatë periudhës prill-qershor, në krahasim me 384 miliardë dollarë në tremujorin e parë të vitit të kaluar.

Në reagimin e saj në lidhje me këtë lajme, Netflix mohoi që të ketë të bëjë konkurrenca në këtë ulje të fitimeve. Por mediet ndërkombëtare shkruajnë se prania e Disney po fillon të ndihet çdo ditë dhe më shumë si rival që mund t’i jap fund mbretërimit të Netflix në botën e filmave dhe serialeve.

Avantazhi i Disney pritet të jetë çmimi, që do të jetë gati sa gjysma e abonimit fillestar të Netflix, vetëm 6.99 dollarë në muaj.

Aktualisht, Netflix numëron 151,5 milionë abonentët në nivel global, 60,2 prej të cilëve janë nga Shtetet e Bashkuara të Amerikës.