Ilir Meta në konferencën për shtyp që po mban në Presidencë ka ardhur me një propozim konkret për zgjidhjen e krizës.
Ai thotë se rruga e vetme për të dalë nga kriza është mbajtja e zgjedhjeve të përgjithshme më 13 tetor si edhe për presidentin ku shprehet se ai vetë do të kandidojë përsëri.
“Këto ishin zgjedhje socialiste, u them të gjithë socialistëve, nuk e kam për ata si socialistë, sepse une ndryshe nga Edi që ka patur shumë pirueta, unë kam qenë shumë konseguent në linjën time, kam qene gjithnjë eurosocialist edhe sot që jam këtu, edhe në detyrën time, do të mbetem socialist deri sa të jëtoj, kam lindur shqiptar edhe do të vdes shqiptar.
Ka vetëm një zgjidhje, është turp dhe skandal as 10 përqind nuk ka marrë, le të mbushen kutitë tërë ditën, që diskuton hallin e Idajetit dhe diskuton dekretin e presidentit, me një shtet që do të integrohet në BE.
Demokracia është e pa negociueshme, me asnjë ambasadë me asnjë shtet dhe me të gjithë botën, sepse nëse une jam këtu ku jam, kam 30 vjet që populli më ka zgjedhur më ka hequr për zgjidhje krizash, më ka zgjedhur demokracia, në rast se do nuk do isha këtu do isha emigrant i suksesshëm, dua ti dal për zot vendit tim kur shikoj që të tjerët tallen.
Zgjedhjet janë në 13 tetor, dekretin e presidentit vetëm Gjykata Kushtetuese mund ta diskutojë, të gjitha këto palavra, jo opozita e re, edhe me kolegjin socialist, nuk ka dhe nuk ka njeri që mund ta vërë në diskutim këtë gjë.
Megjithatë vendi kërkon një zgjidhje, unë kam dhënë vazhdimisht një zgjidhje,pra unë jam zgjidhjen time si president, në interes të shqiptarëve, ata nuk patën mundësi të zgjidhen me 30 qershor, kjo është përgjegjësi e dy palëve por edhe disa të tjerëve që u përfshinë, kundër parimeve europiane dhe aleancës demokratike të Natos.
Në 13 tetor edhe zgjedhje të përgjithshme edhe zgjedhjet për presidencën.
Unë do kandidoj përsëri dhe Edi Rama të vërë kandidat kë të dojë, kjo është rruga që e zgjidh këtë krizë të tmerrshme. Që mos na futën si 2 korriku nëpër ambasada, apo të mbushin anijet si tha Salvini. Boll e zbrazën Shqipërinë, ne duam ta bëjmë një vend europian që mbështetet mbi shtetin e së drejtës, ku askush nuk dhunon ligjin, ta bëjmë të kthehen të gjitha shqiptarët që janë jashtë.
Kjo është zgjidhja që unë jam si president, as për Edin , as për të tjerët por për popullin shqiptar. Kjo është demokracia prandaj njerëzit besojnë te demokracia.
Ky ishte propozimi im, në rast se Rama ose ndonjë ambasadë ka propozim ta bëjë ta dëgjojmë asnjë propozim që dhunon parimet e shtetit unë nuk e pranoj.
Ftoj Ramën të propozojë një zgjidhje, edhe ndërkombëtarët mos bëhen qesharakë, sic u tallën ne 2008 me kushtetutën, Rama me doktorin, një nga ambasadorët ishte atëherë por ështe dhe tani. Ne duhet të jemi partnerë të denjë dhe konstruktive me të huajt ti zgjidhim vetë gjerat si burra shteti, të heqim dorë nga lojërat e ambasadave.””, u shpreh presidenti gjatë fjalës së tij.
