LIGJET E BIZNESIT
Kryedemokrati Lulzim Basha do të nisë turin e takimeve me qytetarët dhe strukturat e Partisë Demokratike nëpër rrethe dhe qarqe të vendit.
Ditën e sotme Basha do të zhvillojë një takim me banorët dhe strukturat në Koplik në orën 18.00, ndërsa në orën 19.00 ai do të jetë në Shkodër, ndërsa në 20.00 në Vaun e Dejës.
‘Kreu i Partisë Demokratike, Z. Lulzim Basha ditën e hënë dt.15.07.2019 takim në Koplik, ora 18:00 me strukturat dhe qytetarët e prekur nga kjo krizë politike e ardhur nga Kryeministri që me vendimet e tij vetëm zgjat më shumë duart në xhepat e qytetarëve dhe po na varfëron dita ditës.
Takim për të diskutuar gjendjen pas 30 qershorit dhe vazhdimin e aksionit politik të opozitës për betejen tonë të përbashkët, ndryshimin e madh.
Jemi në hapat e duhur për të sjellë këtë ndryshim, për të treguar që nuk jemi populli që pranojmë dhe mbështesim partinë personale dhe regjimin e Edi Ramës’, bën të ditur kryetari i PD në Malësinë e Madhe Anton Kokaj.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Gjithashtu raportohet se kreu i demokratëve do të mbajë takime edhe në Shkodër në orën 19:00, ndërsa në 20:00 do mbledhë strukturat e PD dhe qytetarët në Vaun e Dejës.
Kujtojmë se Basha ka paralajmëruar nisjen e aksionit opozitar që do të zgjasë gjatë gjithë verës.
