Përgatitet masakra, Kopshti Botanik kalon në pronësi të Bashkisë Tiranë

Ashtu siç kishte kërkuar kryebashkiaku Erion Veliaj më herët, Kopshti Botanik ka kaluar në pronësi të bashkisë.

Hapësira që mbulon Kopshti Botanik nuk do të jetë më tashmë pjesë e pronave të Universitetit të Tiranës.

Vendimi është marrë në mbledhjen e këshillit të ministrave në 17 korrik 2019 për të kaluar Kopshtin Botanik listës së pasurive të paluajtshme të Bashkisë së Tiranës.

Kopshti botanik në Tiranë është i vetmi kopsht shkencor në Shqipëri. I ndërtuar në vitin 1964, ai zë 15 hektarë dhe u përfundua dhe u vu në punë në vitin 1971.

Me këtë ndryshim pronësie në këtë zonë hapet perspektiva për ndryshime, por pse jo edhe ndërtime, apo siç vetë Veliaj i ka cilësuar projekte zhvilluese.