Ka përfunduar rinumërimi i votave për 11 kutitë e Lezhës në Komisionin Qendror të Zgjedhjeve.
Nga rinumërimi i votave ka dalë një rezultat tjetër, ku Eduart Ndocaj i cili bëri dhe ankimimin për rezultatin në një nga kutitë e rinumëruara ka marrë një votë më shumë.
Ndërkohë në një tjetër kuti ai ka marrë 3 vota më shumë, kundrejt Pjerin Ndreut.
Pra gjithsej Eduart Ndocaj ka marrë 4 vota më shumë nga rezultati i parë.
Eduart Ndocaj kandidoi në këto zgjedhje për Bashkinë e Lezhës nën siglën e Partisë Aleanca Demokristiane, e cila hyri në zgjedhje pa bërë koalicion me asnjërën nga partitë e mëdha.
