PDIU tradhëton Lulzim Bashën

Ditën e sotme kryetari i Bashkisë së Rrogozhinës Beqir Nuredini, njëkohësisht anëtar i kryesisë së PDIU, vendosi të dorëzojë postin te kryetari i ri i Bashkisë dalë nga zgjedhjet vendore të 30 qershorit, duke u shprehur se nuk do të përplaset me njerëzit e qytetit të tij për një karrige.

Nuredini është shfaqur i buzëqeshur në momentin që i dorëzoi zyrën kryetarit të ri socialistit Haxhi Memolla dhe i uroj suksese në mandatin e tij katër vjeçar.

Por Nuredini nuk tha asnjë fjalë për PDIU, partinë nën siglën e së cilës u zgjodh.

Thua ta ketë vendosur një hap kaq të rëndësishëm pa u konsultuar me drejtuesin e partisë së tij, Shpëtim Idrizi?

Thua e ka konsultuar dhe Idrizi I ka thënë bëje, apo është ky i fundit që e ka shtyrë ta bëjë?

Ndoshta PDIU ka patur ndonnjë ofertë nga Edi Rama dhe po cedon nga marrëveshja me PD? Në një moment të tillë nuk mund të cedohet kështu sikur të dorëzohen çelësat e kashtës dhe jo një mandate i marrë me votë.

Të gjitha këto janë të mundura dhe historia e kësaj partie dhe veçanërisht kryetarit të saj ësshtë e certifikuar nga njëra degë dnë tjetrën, me përfitime jo në favor të kauzës për të cilën u krijua kjo parti por pozicionesh në administratë dhe pushteti për liderin e saj.

Nëse PDIU do kalojë nga Partia Socialiste, duke braktisur Partinë Demokratike kjo më parë duhej konsultuar por edhe që ndodhi tregon se në këtë parti nuk funksionojnë institucionet demokratike dhe se kjo parti, pas abandonimit nga deputetët e zgjedhur me siglën e saj dhe ky kryetar bashkie, po shkon qartazi për lesh…

Në prononcimin për media Nuredini theksoi: E konsiderojmë të pavlefshëm të gjithë këtë proces për aq kohë sa dhe dekreti i Presidentit është akoma në fuqi.

Një qeveri që ka kapur të gjitha pushtetet, ka gjykuar të vlefshme të marrë dhe këtë godinë, këtu në Bashkinë e Rrogozhinës.

Unë nuk kam ndërmend të përplas njerëzit me njëri-tjetrin për sa kohë jam bashkëqytetar dhe jetojë në të njëjtin qytet me ta, kështu kam vendosur ta liroj paqësisht këtë godinë me këtë arsyetim, besoj të logjikshëm.”

Për ta mbyllur ne kujtojmë se Memolla i PS ishte kandidati i vetëm në votimet e 30 qershorit të cilat u bojkotuan dhe nuk njihen nga opozita dhe PDIU.