Përmes një video të shpërndarë për mediet dhe në rrjetet sociale, Partia Demokratike ka akuzuar qeverinë Rama se po i shet si suksese të asaj, vepra që janë ideuar dhe nisur nga Lulzim Basha si kryetar i Bashkisë Tiranë.
Në videon e shpërndarë nga zëdhënësja e kësaj partie, Ina Zhupa janë risjellë në vëmendje disa deklarata sipas së cilët, Pazari i Ri, Bulevardi i Ri, Parkun te Liqeni kanë qenë premtime të Bashës, por të bllokuara nga qeveria e Rama, e më pas të përfunduara nga Erion Veliaj kur erdhi në krye të Tiranës.
Zhupa thekson se mjafton një video 56 sekonda për të dalë në përfundimin se Rama është një mashtrues.
“Edi Rama është një mashtrues arrogant dhe hajdut psikik që ka vetëm një ideal, një aspiratë, një moral: paranë. Për para po grabit dhe shet gjithë Shqipërinë. Për para bën aleancë me krimin dhe me çdokënd”, shkruan Zhupa në facebook.
