Panik në stërvitjen e Bayern Munchen, sulmohet në fushë trajneri i njohur

Futbollistët e Bayern Munchen dhe trajneri Niko Kovac përjetuan moment paniku në seancën e fundit të stërvitjes përpara ndeshjes me Fenerbahcen.

Megjithëse klubi bavares nuk e ka komentuar këtë ngjarje që ndodhi për turneun veror “Audi Cup” ka qenë e përditshmja “Bild” ajo që ka zbuluar një sulm të një tifozi drejt teknikut kroat.

Sipas raportimit të “Bild” tifozi është future në fushën e qendrës stërvitore dhe më pas ka sulmuar trajnerin Kovac.

E menjëhershme ka qenë ndërhyrja e pjestarëve të stafit të qendrës stërvitore, ndërsa policia ka vonuar vetëm pak minuta për të ndaluar agresorin. Nuk dihen shkaqet për këtë ngjarje, ndërsa burime të pakonfirmuara bëjnë të ditura se personi ka patur me vete edhe një thikë, por që për fatin e mirë nuk arriti ta përdorë. Pas këtij episodi, Bayern Munich ka vendosur të rrisë ndjeshëm masat e sigurisë. I pyetur në lidhje me këtë ngjarje pas fitores kundër Fenerbahce, trajneri Niko Kovac nuk ka dashur të komentojë.