Kryeministri Edi Rama ditët e fundit po përpiqet të mbrohet përsa i përket vendimit të tij për të shembur godinën e Teatrit Kombëtar, duke postuar herë pas herë deklarata të ndryshme nga aktorët dhe regjisorët e vendit.
Këtë herë ai ka postuar fjalët e regjisorit Mihallaq Luarasi, i cili u nda nga jeta dy vjet më parë.
Me anë të një reagimi në Facebook, Rama ka shpërndarë fjalët e regjisorit Luarasi i cili shprehet se ky teatër është I pandreqshëm dhe se është turp që Teatri Kombetar I Shqipërisë ka ngelur në atë ndërtesë të bërë që në kohën e Italisë.
Kujtojme se dje kryeministri Rama publikoi mesazhin e aktorit Ndricim Xhepa, I cili ishte I pot ë njëjtit mendim se Teatri Kombëtar duhet të prishet dhe të ndërtohet një godinë e re.
STATUSI I KRYEMINISTRIT EDI RAMA
Mihallaq Luarasi, regjizori i famshëm i Teatrit Kombëtar, u kthye në shënjestrën e pamëshirshme të diktaturës komuniste, gjatë gjuetisë së egër të shtrigave që Enver Hoxha shpalli në vitet ‘70, kundër artit e kulturës së degjeneruar perëndimore. Ai u linçua publikisht nga vetë diktatori komunist dhe u cfilit burgjeve, duke hyrë në librat e gazetat e propagandës enveriste, si një dele e zezë e regjimit totalitar. Ai sot nuk jeton më, por e ka lënë pak vite më parë amanetin e tij për Teatrin Kombëtar.
MIHALLAQ LUARASI:
Ky teatër që kemi sot është i pandreqshëm. Është turp që Teatri Kombëtar i Shqipërisë ka ngelur në atë ndërtesë të ndërtuar që në kohën e Italisë. Qysh në vitin 1966, drejtuesve të asaj kohe i është kërkuar një teatër i ri, që fatkeqësisht nuk u ndërtua kurrë. Duhet më shumë vëmendje për Teatrin Kombëtar, nuk duhet një rikonstruksion i tij, por ndërtimi i teatrit të ri.
Më 1966 në Teatrin Kombëtar, kur ishte gjallë dhe aktori i madh Naim Frashëri, rastësisht u takuam në oborr me Manush Myftiun, anëtar i byrosë politike atë kohë. Naimi i tha: “Nuk po mendon partia për një teatër të ri?”, ndërsa përgjigja e Manush Myftiut ishte: “Naim, nipat tanë të ndërtojnë një teatër të ri, ne nuk kemi mundësi, presim nga nipat tanë”. Pra ne jemi ata që sot duhet ta ndërtojmë një teatër të ri kombëtar.
