LIGJET E BIZNESIT
Në konferencën për shtyp përpara gazetarëve ditën e djeshme kryeministri shqiptar Edi Rama mohoi faktin që gjyshja e tij vinte nga një familje greke.
Ky pohim është kundërshtuar nga mediat greke të cilët kanë ndërmarrë një veprim për të përgënjeshtruar deklaratën e tij.
Media greke Tribune.gr ka hyrë në pemën gjenealogjike të familjes së kryeministrit duke dalë në përfundimin se babai i nënës së tij ishte Himariot Spyros Kolekas, ministri i regjimit Hoxha.
Madje për ta vërtetuar origjinën greke, mediat janë bazuar dhe në Wikipedia ku tregohet që Koleka ka lindur në Janinë.
“Sipas akademikëve britanikë James Pettifer dhe Miranda Vickers, Koleka lindi në një familje etnike Greke dhe ishte një nga anëtarët e paktë të pakicës Greke që shërbente në sistemin politik të Republikës Popullore Socialiste të Shqipërisë. Ai ishte jopopullor në mesin e pakicës dhe u akuzua nga Grekë të ndryshëm etnikë për zbatimin e një axhende anti-Greke të regjimit, përfshirë edhe në shpërnguljet e detyruara të njerëzve me të njëjtën etni si ai vetë. Ndërsa babai i Edi Ramës, Kristaq Rama, me origjinë nga Durrësi, ishte vlleh,”-shkruan Tribune.
Në fund të artikullit Tribune e mbyll me një pyetje: Pse nuk ta pranojë Edi Rama që është një katolik grek-vllah, një pasardhës i komunistëve, i cili promovon nacionalizmin shqiptar dhe u bindet urdhrave të Vëllazërisë Myslimane dhe Rexhep Tajip Erdogan? Mund të thuash dhe të rrëfesh, mashtrim i madh politik.
