Një ditë pasi sulmoi Bashën , Jozefina Topalli takon ish-zëdhënësen e Berishës

Ditën e djeshme ish-kryetarja e parlamentit, demokratja Jozefina Topalli sulmoi kryetarin e PD Lulzim Basha menjëherë pas përfundimit të zgjedhjeve, duke e cilësuar si fajtor se përse kjo parti tashmë nuk ka asnjë pushtet pas tre dekadave.

Një ditë pas kësaj, Topalli ka takuar ish-zëdhënësen e Sali Berishës, Erla Mëhilli.

Këtë lajm e ka bërë të ditur vetë Mëhilli, e cila ka publikuar një foto në Instastory, ku të dyja shfaqen teksa konsumojnë një kafe në Tiranë.

Ende nuk dihet arsyeja e këtij takimi, por me siguri ish-kryetarja e parlamentit nuk do të rrijë duarkryq pas sulmit të djeshëm.