Disa vite më parë, ekspertët e shëndetit në SHBA paralajmëruan qindra klinika në të gjithë vendin, për ekzaminimin e saktë të pacientëve, sepse një kërpudhë vdekjeprurëse po shkaktonte shumë viktima. Në njoftimin e aso kohë, thuhej gjithashtu se kërpudha ishte rezistente ndaj ilaçeve dhe më së shumti ishin të rrezikuar pacientët e hospitalizuar kudo në botë.
Candida auris që prej asaj kohe është kthyer një kërcënim serioz për të gjithë globin. Më shumë se 30 vende nëpër botë kanë raportuar se sëmundja e shkaktuar nga kërpudha është shumë e vështirë të identifikohet.
Kërpudhat mund të ojnë në infeksione të qarkullimit të gjakut, zemrës dhe trurin, ndërkohë studime të hershme kanë treguar se për një pjesë të madhe të pacientëve ka qenë fatale. Hulumtuesit nuk kanë qenë kurrë në gjendje të izolojnë kërpudhat nga mjedisi natyror dhe të kuptojnë se si versionet gjenetike të kërpudhave dolën në të njëjtën kohë Indi, Afrikën e Jugut dhe Amerikën e Jugut.
Por tani studiuesit nga Shtetet e Bashkuara dhe Hollanda kanë një teori të re. Ata mendojnë se ngrohja globale ka luajtur një rol kryesor që të zhvillohet ky lloj i ri i kërpudhave vdekjeprurëse. Sipas një studimi të botuar së fundmi në një revistë të Shoqërisë Amerikane të Mikrobiologjisë, sëmundja vjen vetëm nga ndryshimet klimaterike.
“Infeksionet e kërpudhave tek njerëzit janë të rralla dhe gjithat kanë sisteme imunitare më të avancuara sesa organizmat e tjerë dhe nuk rrezikohen nga infeksionet e kërpudhave dhe shumica që njohim, nuk mund të zhvillohen në temperaturat e trupit të njeriut,” tha Arturo Casadevall, një nga autorët e studimit të ri i cili është një mikrobiolog dhe imunolognë shkollën e Shëndetit Publik, Johns Hopkins Bloomberg”, në SHBA.
Studiuesit thonë se, ndërsa klima është ngrohur, kërpudha tashmë është në gjendje të përshtatej, që të zhvillohet edhe në temperaturën e trupit të njeriut, prej 37 gradë celsius. Casadevall dhe kolegët e Qendrës së Kancerit të MD Anderson dhe Institutit të Biodiversitetit të Westerdijk në Utrecht në Hollandë, krahasuan kërpudhën me speciet e saj më të afërta dhe zbuluan se, kërpudha vdekjeprurëse ishte në gjendje të rritet në temperatura edhe më të larta.
“Fakti misterioz është se Candida auris u shfaq në të njëjtën kohë në tre kontinente të ndryshme dhe është shumë e vështirë të shpjegosh këtë. Duhet të mendojmë se cili mund të jetë shkaku. KËto vende janë të ndryshme dhe me popullata të ndryshme. Por, kanë një gjë të përbashkët, bota po bëhet gjithnjë e më e ngrohtë,” tha Casadevall. Casadevall tha se studimi është thjesht një drejtim për kërkime të mëtejshme, pasi temperaturat po ngrihen edhe në kontinente të tjera dhe pritet që zhvillimi i sëmundjes së kërpudhës vdekjeprurëse të zhvillohet edhe në kontinentin e Europës.
“Ne po bashkojmë forcat për të shpjeguar diçka që është mistike. Nëse shkencëtarët mund të gjejnë bollëkun ose liqenin ku ajo kërpudha vinte nga dhe analizonte të afërmit e tjerë të ngushtë, hulumtuesit mund të krahasonin se si Candida auris është përshtatur për t’u rritur në temperatura të ngrohta,” shtoi ai.
Ndërsa studiues të tjerë tregojnë se ndryshimet e lidhura me ngrohjen globale në mjedis nuk shpjegojnë shfaqjen e kërpudhave.
“Është një teori interesante, është një teori shumë e mirë, por duhet provuar”, tha Luis Ostrosky, një studiues i sëmundjeve ngjitëse./The Washington Post/
