Nesër protesta e opozitës, Basha thirrje për qytetarët: Bashkohemi të gjithë në Tiranë si njerëz me dinjitet (VIDEO)

Një ditë përpara protestës kombëtare nga opozita e bashkuar që do të mbahet në orën 20:00 në kryeministri, kryetari i Partisë Demokratike Lulzim Basha i ka bërë thirrje të gjithë qytetarëve të bashkohen në Tiranë.

Kryedemokrati ka postuar një video ku kërkon largimin e kryeministrit Edi Rama dhe shkruan se nuk do të bëjë asnjë hap pas.

‘Nesër me #8korrik në orën 20:00, bashkohemi të gjithë në Tiranë si njerëz të lirë me dinjitet, prindër, motra, vëllezër, bij e bija shqiptarësh kurajozë, të gjithë bashkë
kundër diktaturës së krimit, në mbrojtje të lirisë dhe dinjitetit, për familjet dhe fëmijët tuaj, për #ShqipëriaSiEuropa! Asnjë hap pas! #RamaIk‘, shkruan Basha në Facebook.