Nesër mblidhet Asambleja e PS, zbardhen çështjet e rëndësishme që do të diskutohen

Ditën e nesërme do të mbahet Asambleja Kombëtare e Partisë Socialiste, e cila do të nisë punimet në orën 16:00.

Sipas axhendës, punimet të çelen nga Kryeministri Edi Rama, ndërkohë që pikë e dytë e rendit të ditës është analiza e rezultateve të zgjedhjeve vendore të 30 qershorit.

PS ka përfshirë në punimet e axhendës dhe dy projektvendime me anë të të cilave synon që të realizojë zgjedhjet e reja brenda partisë.

Ndërkohë që pritet të caktojë dhe kriteret për përzgjedhjen e delegatëve të rinj të kongresit dhe kryetarët e partive në rreth dhe strukturat organizative.

Rendi i ditës së Asamblesë së PS:

1. Fjala e Kryetarit të PS, Edi RAMA.
2. Analizë mbi rezultatet e zgjedhjeve vendore të 30 Qershorit 2019.
3. Shqyrtimi dhe miratimi i Projekt-Vendimit “Për organizimin dhe zhvillimin e zgjedhjeve të përgjithshme në parti”.
4. Shqyrtimi dhe miratimi i Projekt-Udhëzimit “Për Zgjedhjet e reja të përgjithshme në parti”.
5. Shqyrtimi dhe miratimi i Projekt-Udhëzimit “Për kriteret përzgjedhëse për delegatet e kongresit, kryetaret e partisë të bashkive, kryetarët e KS të Nj.A dhe kryetaret e OS.
6. Të ndryshme.