LIGJET E BIZNESIT
Ditën e sotme Policia e Shkodrës ka arrestuar Nik Lulashinm autorin e vrasjes së Tahir Bajraktarit një vit më parë në Tropojë.
Bëhet me dije se 55-vjeçari është arrestuar në fshatin Bregu i Lumit në Dukagjin.
Ngjarja ka ndodhur në gusht të vitit të kaluar, ku Lulashi vrau me armë zjarri, 69-vjeçarin Tahir Bajraktari. Lulashi ishte i punësuar në shtëpinë e pushimit që Bajraktari kishte në bjeshkë.
Dyshohet se shkak i konfliktit që çoi në shkrepjen e armës ishte bërë mosmarrëveshja për pagesën.
NJOFTIMI ZYRTAR I POLICISE
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Nga strukturat e Komisariatit të Policisë Shkodër në bashkëpunim me Drejtorinë Vendore të Policisë Shkodër në bazë informacioneve të siguruara në rrugë operative dhe pas një pune të mirëorganizuar, kapet dhe ndalohet në fshatin Bregu Lumit, në Dukagjin, shtetasi i shpallur në kërkim: N. L., 55 vjeç, banues në Tropojë.
Kapja dhe ndalimi i tij u bë pasi është autori i dyshuar i vrasjes së shtetasit T. B., ngjarje e ndodhur më datë 18.09.2018, në bjeshken e Doberdollit, Tropojë.
Gjykata e Rrethit Tropojë me vendim nr. 35 datë 25.09.2018 ka caktuar masën sigurisë “Arrest në burg”, për veprat penale “Vrasja me dashje” dhe “Mbajtja pa leje dhe prodhimi i armëve, armëve shpërthyese dhe i municionit” .
Ky shtetas do i dorëzohet shërbimeve të D. V. P. Kukës për veprime të mëtejshme.
