“Ndiq Paranë” Basha shpalos planin për të marrë pushtetin, duke goditur korrupsionin (VIDEO)

Përmes një video në rrjetet sociale, kreu i PD-së Lulzim Basha ka zbuluar planin se si do godasë korrupsionin dhe krimin në nivelet e larta.

Në videon e titulluar “Ndiq paranë”, Basha tregon se ka në plan 4 hapa, të cilat janë: miratimi i një pakete ligjore radikale antikorrupsion dhe kundër krimit të organizuar, hetim për paratë, rikuperimi i pasurive të vjedhura sipas tij përmes kontratave dhe koncesioneve publike, si dhe lufta kundër pastrimit të parave.

“Ndiq Paranë” : 4 Hapa për zhdukjen e ndikimit dhe pasojave të grabitjes së vendit nga Rama me një grusht kriminelësh dhe oligarkësh”, shkruan Lulzim Basha krahas videos.