Presidenti Ilir Meta ka dhënë sot një deklaratë përpara gazetarëve nga Xhafzotaj ku ka bërë thirrje që me anë të një dialogu t’i jepet zgjidhje krizës politike që po kalon vendi.
Ndër të tjera presidenti Meta tha se nëse nuk organizohen zgjedhje para datës 17-18 tetor ‘provimi i vjeshtës’ sipas tij nuk do kalohet, pra negociatat me Bashkimin Europian.
Gjithashtu Meta nuk u përmbajt as ndaj ndërkombëtarëve duke u shprehur se ata mund të thotnë që ‘gomari fluturon; por në Shqipëri sipas kreut të shtetit nuk ndodh kjo gjë.
“Çdo shqiptar dhe ndërkombëtar që na thonë se ‘gomari fluturon’, ne mund ti themi se kjo ndodh në ëndërr, në piktura, por ne e dimë që këtu në Shqipëri nuk ndodh, ‘nuk fluturon gomari’. Të gjitha këto qoka, edhe ndërkombëtare shkojnë kundër standarteve. Duhet të përfitojmë nga momente pozitive që ka arritur Maqedonia”, tha Meta, duke iu referuar deklaratave të ndërkombëtareve për zgjedhjet e 30 qershorit.
Lidhur me 13 tetorin, datë e dekretuar nga ky i fundit për tu mbajtur zgjedhjet, Meta u shpreh se është fleksibël.
“Unë jam fleksibël për ta parë çështjen e 13 tetorin meqë mund tu ketë krijuar idënë tersit, për mua ka rëndësi 19 tetorit. Nuk çelen negociatat me qoka ndërkombëtare, vetëm me standarde. Nese dëshirojnë një zgjidhje janë të mirëpritur në presidencë. Duan ta zgjidhin diku tjetër ata e dinë që është një adresë serioze”, deklaroi ai.
PJESE NGA FJALA E PRESIDENTIT ILIR META
Nëse para datës 17-18 tetorit ne nuk do të arrijmë të organizojnë zgjedhje gjithëpërfshirëse provimi i vjeshtës është i pakalueshëm dhe në vend që ne duhet ta kishim gjetur këtë zgjidhje që në momentin e parë kur unë formisa dekretin, të paktën të mos humbasin asnjë sekond nga sot edhe në vazhdim sepse 17-18 tetori do ikë dhe do vijë 19 tetori.
Është e qartë se e vetmja datë që unë nuk ndikoj dot është kjo. Së dyti jam fleksibël, meqe mund ti ketë dalë shtrembër në filxhan 13 tetori, ta shikojë. Unë kam kohë që po pres me shumë durim dhe shpresë për të dhënë një zgjidhje të përgjegjshme, përndryshe kjo krizë do vazhdojë të përshkallëzohet.
Cdo proces gjyqësor që vazhdohet është një demostrim i rrëmujhanes ligjore, është rezultat i mungesës së respektit për kushtetutën i keqzbatimit të ndryshimeve, kjo gjë u demostrua shumë qartë ku me një qarke Kuvendi shpalli inekzistent dekretin e presidentit. Duhet të kenë të qartë të gjithë qytetarët se nuk ka patur zgjedhje të qytetarëve, zgjedhje shtetërore, kushtetuese në 30 qershor. Cdo shqiptar dhe ndërkombëtar që na thonë se gomari fluturon, ne mund ti themi se kjo ndodh në ëndërr, në piktura, por ne e dimë që këtu në Shqipëri nuk ndodh. Të gjitha këto qoka, edhe ndërkombëtare shkojnë kundër standarteve. Duhet të përfitojmë nga momente pozitive që ka arritur Maqedonia.
Nuk kam asnjë shetqsim për asnjë komision hetimor në Shqipëri që gjykon veprimet e mia, fare fare. I vetmi shqetësim i imi është data 19 tetor, Cfarë do u themi shqiptarëve. Do u themi e kishte fajin, Edi, Luli dhe Mona, apo na e thanë këtë ca evropianë.
Unë jam fleksibël për ta parë çështjen e 13 tetorin meqë mund tu ketë krijuar idënë tersit, për mua ka rëndësi 19 tetorit. Nuk çelen negociatat me qoka ndërkombëtare, vetëm me standarde. Nese dëshirojnë një zgjidhje janë të mirëpritur në presidencë.
