Meta sulmoi ndërkombëtarët, ‘turpërohet’ Rudina Hajdari: Çmenduri, i kërkoj falje SHBA dhe BE

Presidenti Ilir Meta ka ngjallur një sërë reagimesh pas sulmit të ashpër që i bëri ambasadorëve të huaj gjatë konferencës së sotme.

Pas deklaratave të Metës ka reaguar dhe deputetja Rudina Hajdari e cila shkruan se këto mesazhe të Metës ishin një cmenduri dhe i kërkon falje të gjithë diplomatëve të huaj në vendin tone.

E revoltuar ajo thekson se nuk e kishte menduar asnjëherë që të shihte një President duke sulmuar diplomatët në periudhën post-komuniste.

“Asnjëherë nuk mendoja se do të shihja një ditë në post-komunizmin e Shqipërisë ku presidenti i vendit tonë do të sulmonte Ambasadën e Shteteve të Bashkuara dhe OSBE-në dhe diplomatë të tjerë të nderuar. Ky është një turp dhe ndjehemi të turpëruar. Kërkoj falje të gjithë diplomatëve tanë për këtë çmenduri”, shkruan Hajdari ne Twitter.