LIGJET E BIZNESIT
Presidenti Ilir Meta ka bërë dhe reagimin e parë pas përfundimit të zgjedhjeve të djeshme.
Me anë të një statusi në rrjetet sociale ai uron të gjithë qytetarët që dje iu larguan konfrontimit dhe dhunës, si dhe nuk harron të thumbojë dhe kryeministrin Edi Rama për të cilin shprehet se ka organizuar votime socialiste, duke postuar edhe një video ku dje u panë disa persona që votonin në grup, duke shkelur kështu ligjin e votës së fshehtë.
REAGIMI I PLOTE I PRESIDENTIT ILIR META
Urime të gjithë qytetarëve që dje iu larguan konfrontimit dhe dhunës duke respektuar në mënyrë qytetare njëri-tjetrin, pavarësisht nga qëndrimi ndaj votimeve socialiste të thirrura nga kryeministri Rama.
Shqipëria shpëtoi nga kurthi i përplasjes civile, ndaj i falënderoj nga zemra të gjithë shqiptarët që nuk ranë viktimë e retorikës konfrontuese të liderëve të papërgjegjshëm, që përmes nxitjes së dhunës duan të fshehin skandalet dhe llogaridhënien e tyre.
Përsa i takon tejkalimeve të planit në votimet socialiste, asnjë surprizë nuk kisha.
Tani me duhet të “shpik” një dekoratë të re, që besoj me ndihmën e Kuvendit socialist do miratohet, atë të “Heroit të votave socialiste”.
Për të shijuar rikthimin e kohës së votimeve kolektive, ju ftoj të ndiqni edhe këtë video.
