Merret vendimi në mbledhjen e kryesisë së PS, ja kur do të mbahet Asambleja Kombëtare

Ditën e sotme në mbledhjen e kryesisë së Partisë Socialiste është caktuar dhe data e Asamblesë Kombëtare.

Mësohet se Asambleja do të mbahet më datë 22 korrik.

Mbledhja e kryesisë së PS ka nisur që në orën 10.00 të mëngjeit së sotëm, ku po analizohen dhe zgjedhjet e 30 qershorit.

Kryeministri Edi Rama ka paralajmëruar këtë Asamble brenda korrikut teksa u shpreh se është koha për një debat të brendshëm e të jashtëm në Partinë Socialiste.

Nga ana tjetër mësohet se as në Partinë Demokratike nuk do të ketë pushime në këtë vere, pasi kryetari Lulzim Basha ka paralajmëruar nisjen e aksionit opozitar që do të zgjasë gjithë periudhën e verës.