Me kamionë Ferrari për në Angli, klandestinët befasojnë policinë britanike

Të shkosh në Angli është ëndrre e shumë të rinjve nga vendet e botës së tretë, por edhe në zhvillim si Shqipëria. Mënyra për të kaluar në Britani vitet e fundit ka qenë nga më të larmishmet. Por këtë herë veprimi i klandestinëve i ka kaluar kufijtë e imagjinatës.

Ata kanë përdorur kamionët e Ferrarit që po shkonin për Silverstone për garën e kësaj radhe.

Në momentin kur kamionët e Ferrarit ishin duke zbarkuar në parkingun e pistës së Silverstone, komisarët kanë pikasur disa zhurma të çuditshme. Ishin disa emigrantë që ishin futur në kamionët e mbushur me goma dhe pjesë e këmbimit për makinat e garave.

Komisarët të befasuar në fillim nga kjo gjë patën edhe frikë, pasi iu druheshin ndonjë armatimi të mundshëm të këtyre klandestinëve, por më pas u konstatua se ata kishin qenë pa armë dhe iu dorëzuan policisë së emigracionit.