Mbyllet numërimi në Fushë-Arrëz, zgjidhet kryetari i ri i Bashkisë

Përfundon procesi i numërimit të votave edhe për Bashkinë e Fushë-Arrëzit.

Në këtë Bashki nuk kishte një garë të mirëfilltë, pasi kandidati i PS nga koalicioni Aleanca për Shqipërinë Europiane nuk kishte përballë asnjë rival.

Fran Tuci mori gjithsej 2462 vota.

Zgjedhjet lokale u zhvilluan në 61 bashki për këshillin dhe kryetarët në mbarë vendin, por garë kishte vetëm në 30 bashki, pasi në 31 të tjera Partia Socialiste është e vetmja që ka kandidatë. Mes 97 kandidatëve për kryebashkiakë, vetëm 10 janë zonja, ndërsa 23 prej socialistëve janë rikandidime.