Masakra në Kavajë me 1 të vdekur e 5 të plagosur, gjykata jep masën për të arrestuarit

Gjykata e Kavajës ka dhënë ditën e sotme masën e sigurisë “arrest me burg” për 5 të arrestuarit për ngjarjen që tronditi qytetin pak ditë më parë.

Kështu të arrestuarit Eraldo Hyka, Qazim Merkja, Ardian Dedej, Marius Aliu  dhe Agron Kollcaku kanë mbetur në burg.

Kujtojmë se në përplasjen me armë që ndodhi në 4 korrik, mbeti i vrarë një kalimtar dhe u plagosën 5 të tjerë, si pasojë e breshërisë së armëve në drejtim të dy makinave.

Si pasojë e plumbave të qëlluar humbi jetën gabimisht 52-vjeçari Ramazan Hasalliu, i cili në atë kohë po blinte bukë në një dyqan.

Nga hetimet rezulton se ngjarja ka si motive të dobëta, ku dy vëllezërit Aliu janë konfliktuar me tre persona e tjerë të arrestuar mbrëmjen e të mërkurës (3 korrik). Sipas dëshmisë së tyre, të rinjtë janë takuar të enjten për t’u sqaruar, por për shkak të fyerjeve që i ka drejtuar njeri-tjetrit, takim degjeneroi në përdorimin e armëve.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern