Malavita akuzon Arben Malajn- nga Ylli Dylgjeri

Sërish akuza politike. Sërish akuza për mbajtje anësie! Sërish persekutim në vitin 2019.

Sërish mllef e vrer në radhët e nacional- sicilistëve, që tashmë i kanë raportet mal nga institucionet më prestigjioze ndërkombëtare.

I kanë për të gjithë të zezat e kësaj bote dhe në fund formulojnë tinëzisht për kolegët akuzën : Anësi!

E kalova përpara tre muajve edhe unë këtë akuzë qesharake zoti Malaj.

Ku është anësia, i pyeti avokati?

Asnjë përgjigje nga pala akuzuese.

Ku është anësia po pyes sërish, tha ai?

Prapë heshtje e mërmëritje ndrikullash.

Atëherë avokati shpërtheu jashtë formatit të tij: Ku është anësia te Kaka, apo te Caka, o shqiptar!

Por e kotë… është e njëjta gjuhë, E njëjta përgjigje. E njëjta injorancë e eprorëve të tredhur apo tharë nga ligësia. Të vjen ndot të debatosh më tej. Të vjen ndodt kur dëgjon sot dhe zv. kryeministrin që thotë sot “ne nuk do i lëvizim nga administrata ata me qëndrime të kundërta politike!”.

Po ku latë anë ju o të paudhë? Byreku juaj u përla nga ju rrumbullak.

Malavita sot po akuzon prapë Malajn!

Të njëjtët aktorë akuzojnë! Po kë po akuzojnë? Mua? Ty? Atë, Ato…? Akuzojnë dhe pa gjykata!

Por cilat janë akuzat për Malajn?

Javë më parë ai u përfshi në një debat shumë të fortë me kryebashkiakun Veliaj. Në daljet publike ai e sulmonte Veliajn për punët në Tiranë.

“Është rritur arroganca e qeverisjes ndaj shqiptarëve. Rritja e arrogancës fillon nga Bashkia e Tiranës. Kam kundërshtuar mos lejimin e shitësve në rrugë. Nuk po flas për qumështin, por si mund të sillesh me arrogancë për atë që nxjerr dy tufa presh, një arkë domate, disa qepë për të blerë një palë këpucë, për të dërguar djalin në shkollë apo për të shkuar diku. Ne qeverisim me gjoba jo me zemër.

Dhe pastaj harxhon mijëra orë në TV duke mblejjë pemë për të përmirësuar imazhin.

I gatshëm të përballem me Veliajn për këto ceshtje.

Nuk kthehem në politikë nëpërmjet kësaj PS-je.

PS e vërtetë janë njerëzit e thjeshtë, jo ata që vodhën pushtetin”, shprehet Malaj.

Ja, këto janë akuzat. Këta janë edhe akuzatorët, që nuk lanë tender në këmbë që nuk lanë PPP-i pa ngrënë me dhëmbë që nuk lanë mal e fushë pa mbjellë me kanabis, që slanë kurvë pa shitur e trafikuar, që s lanë kushërinj pa punësuar, që s‘ lanë banditë pa rekrutuar, që s lanë kuti pa trazuar.

Në fund:Ik, ti ke anësi!

Ptuuu! Racë bastarde.