Pasi plagosën e 4 persona në një lokal në Laprakë në vitin 2017, policia e shtetit ka ndalur dy vëllezërit Arben dhe Astrit Seferi. Bashkë me dy vëllezërit Seferi në atë ngjarje ka qenë edhe shtetasi Viktor Gjergji edhe ky i fundit i arrestuar.
Bëhet me dije se gjatë operacionit në Mamurras, për kapjen e dy vëllezërve të shpallur në kërkim ka patur edhe një shkëmbin zjarri. Arben e Astrit Seferi sapo kanë parë policinë kanë hapur zjarr ndaj tyre, por në fund forcat e rendit kanë mundur tu venë prangat.
Në vitin 2017 gjatë sherrit të ndodhur në një lokal në zonën e Laprakës mbetën të plagosur, pronari i lokalit, Eljon Leka me të cilin dy vëllezërit kishin pasur konflikt të mëparshëm si dhe Avni Biberi, Bujar Mrisha dhe Bledar Gusturama të tre klientë në lokal.
