LAJM I FUNDIT/ Basha njofton protestën e radhës së Opozitës

Kryetari i Partisë Demokratike Lulzim Basha ka njoftuar protestën e radhës së Opozitës në Tiranë.

Pas një serie takimesh me drejtuesit e Opozitës, kryebashkiakët e djathtë në të gjithë vendin si dhe drejtuesit e PD në çdo bashki është rënë dakord që protesta e radhës së PD të mbahet më datë 8 korrik, të hënën e radhës.

“Dua që t’i ftoj të gjithë të na bashkohen ditën e hënë në orën 20:00…”- tha Basha ndër të tjera para gazetarëve duke dalë nga zyra në “selinë blu”.

Kjo do të jetë protesta e dhjetë kombëtare, në vijim të kërkesave për largimin e kryeministrit Edi Rama dhe zgjedhje të parakohshme pa të në qeveri.