Nga operacioni i koduar “Lugina 2” u sekuestruan 60 fidanë kanabis, ndërsa në pranga kanë rënë dy vëllezër dhe një tjetër u shpall në kërkim.
Në njoftimin për shtyp lidhur me këtë ngjarje, Policia e Tiranës thotë se ka nisur procedimi në gjendje të lirë edhe për kryeplakun e fshatit i njësisë administrative Ndroq, S. B., 61 vjeç.
Lënda narkotike u gjet tek “Përroi i Bllomes” në pyllin e fshatit Mënik në Njësinë Administrative Ndroq
Prokuroria e Tiranës pritet të nisë hetimet për veprën penale “Kultivim i bimëve narkotike, kryer në bashkëpunim”, në ngarkim të vëllezërve të arrestuar M. G., T. G., dhe E. G., dhe për veprën penale “Moskallzim krimi” në ngarkim të kryeplakut S. B.
