Kriza politike, OSBE jep propozimin konkret për zgjidhjen përfundimtare

Sekretari i Përgjithshëm i OSBE, Tomas Greminger ka zhvilluar sot një konferencë të përbashkët me ministrin e jashtëm Gent Cakaj.

Gjatë konferencës Greminger u shpreh se ndodhej në Shqipëri për të dhënë mbështetjen e tij të pa kufizuar që Shqipëria të marrë presidencën e OSBE-së në vitin 2020.

Por Greminger gjatë fjalës së tij u ndal dhe te kriza politike që po kalon vendi yne, zgjidhja e së cilës mund të vijë vetëm nga palët politike shqiptare.

Ai inkurajoi dialogun dhe tha se mund të realizohet vetëm duke zbatuar Kushtetutën dhe institucionet e vendit.

“Ne padiskutim i ndjekim nga afër zhvillimet politike të Shqipërisë. Shpresojnë që ngërçi të kapërcehet, zgjedhja duhet të gjendet brenda për brenda, ne inkurajojmë dialogun, kërkimin e përbashkët të problemeve që ekzistojnë në vend.

Aktorët politikë të angazhohen të gjithë për funksionin e institucioneve demokratike. Dialogu të realizohet duke respektuar Kushtetutën dhe institucionet.

OSBE është e gatshme të ofrojë mbështetje por asnjë zgjidhje nuk mund të jetë e qëndrueshme nëse të gjithë aktorët nuk përfshihen në një zgjidhje”, tha Greminger