KQZ jep shifrat zyrtare: Ja sa persona votuan në zgjedhjet lokale, befason numri i votave të pavlefshme

Përmes një deklarate për shtyp, zëdhënësja e Komisionit Qendror të Zgjedhjeve Drilona Hoxha bëri me dije se mbrëmë ka përfunduar procesi i numërimit në të gjitha bashkitë e vendit.

KQZ ka dhënë shifra të reja pjesëmarrjeje.

Sipas zëdhënëses Drilona Hoxha në këto zgjedhje kanë votuar: 812 249  zgjedhës nga të cilat 765 825 të vlefshme për kryetarë bashkie.

Thënë në përqindje, në këto zgjedhje kanë marrë pjesë 22.9% votues.

Bie në sy edhe një numër i madh votash të pavlefshme për kryetar bashkie që në total janë 45 276.  Në këto vota mungojnë votat e dëmtuara apo ato të hedhura në kutinë e gabuar. rezultati përfundimtar pritet të përfundojë pas 5 ditësh, pra pas përfundimit të afatit ankimues.