Kontrolli në Elbasan, policia zbulon arsenal armësh në dalje të qytetit

Në qytetin e Elbasanit pas një operacioni blic të “uniformave blu” është arritur të sekuestruar një arsenal armësh. Operacioni që vjen pas vrasjes së dy vëllezërve Baho ka konsistuar në sekuestrimin e 7 kallashnikovë, 5 pistoletave dhe disa fishekëve.

Mësohet arsenali i konsiderueshëm i armëve është gjetur i fshehur mes shkurreve.

Nuk dihet ende nëse ky armatim është përdorur gjatë atentatit të djeshëm, ndërkohë që armatimi është dërguar për ekzaminim për të zbuluar nëse janë përdorur në ngjarjet e fundit kriminale që kanë ndodhur në zonën e Elbasanit, pasi dyshohet se i përkasin një grupi kriminal të dyshuar për vrasje.