LIGJET E BIZNESIT
Nuk ka asnjë ndryshim sa i takon dënimit të Skënderbeut me 10 vite jashtë Kupave të Europës nga UEFA. Gjykata e Arbitrazhit Sportiv në Lozanë e ka hedhur poshtë apelimin e Skënderbeut, që pretendonte pafajësinë, madje kohët e fundit kishte shumë besim se do të fitonte të drejtën nga kjo gjykatë.
KAS-i ka shpallur sot vendimin zyrtar, sipas të cilit konstatohet se dënimi i UEFA-s për Skënderbeun është i drejtë dhe plotësisht i justifikuar juridikisht. Klubi korçar është dënuar në vitin 2018 me 10 vite jashtë Kupave të Europës, pasi është përfshirë në trukim ndeshjesh në kompeticionet europiane, duke ndikuar në rezultat. Një goditje shumë e rëndë kjo për futbollin shqiptar, që merr një dënim rekord për klubin që ka dominuar gjatë viteve të fundit.
Përveç dënimit me 10 vite jashtë Europës, klubi Skënderbeu është i detyruar të paguajë edhe një gjobë prej 1 milion eurosh. Pas dënimit, klubi korçar apeloi dhe më pas e çoi çështjen në KAS, duke pasur shumë besim për heqjen e tij, por nuk ia ka dalë dhe tani e ardhmja e këtij ekipi është në rrezik serioz.
Gazeta Si
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
