Rudina Hajdari ka përfunduar në qendër të kritikave të ish-deputetëve të Opozitës, atyre të LSI dhe të PD. Ajo që ka qenë më e ashpër se të tjerët këtë radhë ishte ish-deputetja e LSI Kejdi Mehmetaj e cila me anë të një postimi në facebook, i përgjigjet kryetares së grupit parlamentar demokrat Rudina Hajdari pas replikave që kjo e fundit shkëmbeu në distancë me kreun e shtetit Ilir Meta.
Ish-deputetja e LSI thotë se Hajdari kërkon ftesë për të vënë buqetë tek shtatorja e babait të saj në Tropojë si të ishte një amerikane e vërtetë.
“Amerikania Hajdari kërkon ftesë për të vënë një buqetë me lule tek shtatorja e babait të saj në Tropojë. Ne kujtuam se ishte nga Tropoja, por ajo qenka një amerikane e vertetë e cila nuk mund te shkojë në Tropojë për të nderuar babain e saj pa marrë më pare “autorizim”. Kjo po çmend dynjanë!”, shkruan Kejdi Mehmetaj.
