Ish-deputeti denoncon koncensionin e rradhës: Tenderi është bërë në fshehtësi të plotë (DOKUMENTI)

Biznesmeni i njohur dhe njëkohësisht ish-deputeti i Partisë Demokratike Agron Shehaj ka denoncuar ditën e sotme një koncension që pritet të ndërmarrë qeveria.

Me anë të një postimi në rrjetet sociale, Shehaj shkruan se qeveria ka shpallur kompaninë “Noa Control” fitues të koncensionit për kontrollin e pompave të naftës.

Sipas ish-deputetit ky tender është bërë në fshehtësi të plotë sepse gjykata ka kërkuar modifikimin e garës.

Ai shton se kjo kompani do të investojë vetëm 600.000 euro dhe nga koncensioni njëzetvjecar do të përfitojë minimalisht 100 milionë euro.

Ndër të tjera Shehaj shkruan se vjedhja me anë të këtij koncensioni është marramendëse dhe kjo është arsyeja pse fituesi është i para përcaktuar.

STATUSI I PLOTE I ISH-DEPUTETIT AGRON SHEHAJ

Nëpermjet një procedure konkurrimi me një ofertues dhe të jashtëligjshme, qeveria ka shpallur kompanine “Noa control” fitues të koncesionit për kontrollin e pompave të naftës.

Ky tender është bërë në fshehtësi të plotë, si pasojë e ankesave për fitues të parapercaktuar gjykata ka kërkuar modifikimin e kritereve të garës.

Kontrolli i pompave të naftës kryhej nga shteti dhe ishte një aktivitet fitimprures sepse sillte në arkat e shtetit mbi 5 milionë euro në vit.

Kompania “Noa Control” do të investoj vetëm rreth 600.000 euro dhe nga koncesioni njëzetvjeçar do të përfitojë minimalisht 100 milionë euro nëse tarifat e kontrollit do jenë të njëjta.

Vjedhja nëpërmjet këtij koncesioni është marramendëse dhe kjo është arsyeja pse fituesi i garës së këtij koncesioni ishte i parapercaktuar.

I bëj thirrje Prokurorisë të hetojë këtë aferë korruptive flagrante në shkelje të ligjit.