Erion Isai që prej të hënës së shkuar është në krye të bashkisë Kolonjë.
Pas zgjedhjes së tij në këtë pozicion, Isai ishte i detyruar të hiqte dorë nga “BE Coffee” ku për një vit prezantoi përkrahë Bes Kallakut dhe Olsi Bylykut.
Sakaq moderatori i njohur Ardit Gjebrea në rrjetet sociale ka publikuar dy këshilla për Erionin në rrugën e tij të re në politikë.
“I dashur Erion Isa jam shumë i lumtur që kemi punuar bashkë dhe uroj të ndodhë përsëri. Tani një rrugë e re të pret dhe me shuuumë përgjegjësi, por vetëm një amanet kam meqë je në fillim (se mos harroj të ta them kur të shihemi): Mos fyej rëndë publikisht dikë me të cilin mund të bësh aleancë nesër dhe mos trego sa pis është dikush që do ta përqafosh nesër, sepse p.isllëku nuk do jetë më i tij, por i yti!”!, shkruan Arditi.
