Gjendet e pajetë 50-vjeçarja në Peqin, dyshohet se u shtyp nga treni

Një ngjarje e rëndë është regjistruar në qytetin e Peqin, ku një 50-vjeçare humbi jetën pasi dyshohet u shtyp nga treni.

Ngjarja ka ndodhur pasditen e së premtes në aksin hekurudhor Peqin- Elbasan, në afërsi të fshatit Lazaren të Peqinit. Mësohet se viktima është identifikuar si M.B, e cila siç njoftojnë uniformat blu është gjetur e pajetë mbi shinat e trenit.

Policia ka nisur hetimet për zbardhjen e plotë të ngjarjes, ku përtej dyshimeve paraprake, nuk është përjashtuar edhe pista dhunimit.