Futbolli shqiptar në zi, ndahet nga jeta legjenda e Tiranës

Futbolli shqiptar sot është në zi për shkak të ndarjes nga jeta, Fatmir Frashëri.

Lajmi është bërë i ditur nga familjarët, të cilët kanë hapur dhe dyert e mortit për t’i dhënë nderimet e fundit ish-sportist.

Frashëri vuante nga një sëmundje e rëndë dhe nuk mundi dot t’i bëjë më ballë.

Ai është një nga lojtarët më të mirë të historisë së Tiranës, me të cilën ka shkëlqyer edhe si trajner. Ndër të tjera Frashëri ka zhvilluar disa ndeshje edhe me ekipin kombëtar të Shqipërisë.

Për arritjet e mëdha në fushën e blertë, ai mban edhe titullin “Mjeshtër i madh”.