LIGJET E BIZNESIT
Kryetarja e LSI-së, Monika Kryemadhi në emisionin “Tempora” në RTV Ora i është përgjigjur edhe një teme që diskutohet shumë gjerë në kohët e fundit, lidhur me një arrestim të mundshëm të Ilir Metës, pasi ai të largohet nga presidenca. Kryemadhi tha se nuk kishte frikë fare për një arrestim të mundshëm të presidentit dhe bashkëshortit të saj, Ilir Meta.
Kryemadhi u shpreh se ai është i pastër si kristali dhe se kjo gjë është një kërcënim i vazhdueshëm ndaj tij që Rama e bën për më shumë se 15 vjet.
“Fare. Ka 15 vjet që do ta arrestojë Rama dhe disa të tjerë antishqiptarë. Sigurisht që nuk më takon të flas, por jam e detyruar ta them. Ka 15 vite që grupe të vogla antishqiptare, që kur Meta ka filluar betejën e tij për njohjen e Kosovës nga institucionet ndërkombëtare, që në kohën e luftës së Kosovës, duan ta arrestojnë. Ilir Meta prej vitesh ka qenë në shënjestrën e grupeve të caktuara antishqiptare që janë servirur si grupe të caktuara liberale, ose europaine, apo amerikane që prej vitesh kanë zhbiriluar në çdo gjë. Të jeni të bindur që Metës i kanë bërë vettting jo vetëm të vetes, por edhe të familjarëve, të të ëmës, të atit, motrës dhe njerëzve tanë deri në 7 breza. Ilir Meta është i pastër si kristali. Nëse do kishte një qime floku me të cilën mund të kërcënohej Meta, do ta kishte mbaruar këtë histori Fatos Nano kur ishte kryeministër.”- tha Monika Kryemadhi.
