Foto e dhimbshme, si u vra me bukë në dorë kalimtari nga Kavaja që nuk kishte lidhje me ngjarjen

Ditën e sotme qyteti i Kavajës është tronditur nga përplasja me armë zjarri mes dy grupeve rivale.

Si pasojë e ngjarjes ka mbetur pajetë një kalimtar i rastit i cili nuk kishte lidhje me ngjarjen.

50-vje çari Ramazan Hasanlliu sapo kishte dalë nga furra e bukës kur plumbat e dalë nga breshëria e armëzve i kanë marrë jetën.

Ashtu si duket edhe në foto, buka ka mbetur në mes të rrugës ndërkohë trupi i pajetë i kalomtarit shtrihej disa metra me tej.

Nga kjo ngjarje tragjike përveç Ramazan Hasalliut që humbi jetën, mbetën të plagosur edhe 5 persona të tjerë.

Njëri nga autorët Marjus Aliaj (autori i dyshuar), është arrestuar dhe mbahet në ruajtje nga shërbimet e Policisë në spitalin e Durrësit, pasi është i plagosur.

Ndërsa vëllai tjetër, D.Aliaj është shpallur në kërkim nga policia.

Ndërkohë, të përfshirë në këtë ngjarje janë edhe dy vëllezërit, Eraldo dhe Eljo Hyka. Mësohet se Eraldo Hyka ka mbetur i plagosur dhe ndodhet në spitalin e Durrësit.

NJOFTIMI ZYRTAR I POLICISE

Kavajë / Informacion paraprak

Sot rreth orës 12:30 në lagjen nr. 2 Kavajë, pas një konflikti mes disa personave, ka mbetur i vrarë shtetasi R. H., (kalimtar i rastit) dhe kanë mbetur të plagosur 5 shtetas, të cilët po marrin mjekim në spitalin e Durrësit, jashtë rrezikut për jetën.

Shërbimet e Policisë me marrjen e njoftimit, kanë shkuar menjëherë në vendngjarje dhe falë veprimeve të shpejta kanë bërë të mundur identifikimin e autorëve dhe janë vënë në ndjekje të njërit prej tyre.

Për zbardhjen e plotë të ngjarjes u ngrit menjëherë një grup i posaçëm hetimor nën drejtimin e Prokurorit të Rrethit dhe nga veprimet paraprake dyshohet se autorët e ngjarjes janë dy vëllezër, shtetasit M. A dhe D. A.

Shtetasi M. A (autori i dyshuar), mbahet në ruajtje nga shërbimet e Policisë në spitalin e Durrësit, pasi është i plagosur.

Policia është vënë në ndjekje të autorit tjetër, shtetasit D. A. dhe vijon krehja e zonës për kapjen e tij

Policia ka bllokuar dy automjete që u përkasin pjesëtarëve të palëve që janë konfliktuar.

Janë shoqëruar në Komisariatin e Policisë Kavajë disa persona dhe vijon puna për shoqërimin e personave të tjerë.

Grupi hetimor po punon për zbardhjen e plotë të rrethanave të ngjarjes.