Fluturimi i vështirë drejt Hagës, çfarë ndodhi me avionin e Ramush Haradinajt?

Ramush Haradinaj ka udhëtuar ditën e djeshme drejt Hagës, pasi do të paraqitet në Gjykatën Speciale.

Siç raportojnë mediat e Kosovës, Haradinaj ka fluturuar me aeroplanin privat të zëvendëskryeministrit të Kosovës, Behgjet Pacolli.

Kryeministri i dorëhequr i Kosovës kishte planifikuar të udhëtonte drejt Hagës me një fluturim të rregullt të kompanisë “Austrian Airlines”. Por sipas zëdhënësve të tij, fluturimi është shtyrë për disa orë. Kjo e ka detyruar atë të gjejë një zgjidhje tjetër.

Ramush Haradinaj dha dorëheqjen të premten nga posti i kreut të qeverisë së Kosovës, e ndërtuar nga koalicioni mes AAK, PDK, NISMA e AKR.

Haradinaj njoftoi largimin nga detyra, për shkak të një ftese të Gjykatës Speciale, e cila është krijuar për t’i ndjekur ish-udhëheqësit e UÇK-së të dyshuar se kanë kryer krime lufte.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Tashmë, pritet që presidenti Thaçi të dekretojë datën e zgjedhjeve të parakohshme.

Pritet që shtetasit e Kosovës t’u drejtohen kutive të votimit më 8 shtator, megjithatë kjo nuk është konfirmuar ende zyrtarisht.