Kampionët e Shqipërisë, Partizani u larguan nga Liga e Kampionëve dhe tashmë do të duhet të luajnë në Ligën e Europës. Të kuqtë e drejtuar nga Franko Lerda më datë 25 do të luajnë me Sherifin e Tiraspolit.
Por sot “demat” kanë mësuar edhe ekipin që do të ndeshen në fazën e tretë të Europa Legue, gjithmonë nëse kalojnë bjellorusët.
Nëse arrin të kualifikohet, Partizanit i takon të luajë me ekipin humbës të çiftit të Ligës së Kampionëve, Maribor-AIK. Sllovenët e Mariborit janë një kundërshtar i fortë, që Partizani e njeh shumë mirë, pasi një vit më parë eliminohej prej këtij ekipi. Por Maribori ka më shumë shanse kualifikimi në Champions dhe të kuqtë pritet të ndeshen me suedezët e AIK-ut.
Gjithsesi, Partizani së pari duhet të eliminojë moldavët e Sherifit në turin e dytë eliminator të Ligës së Europës. Për këtë duhet patjetër të fitojë të enjten në fushën e tij, mundësisht pa pësuar gol, që ta ketë më të lehtë ndeshjen e kthimit në Moldavi.
