Gjykata e Tiranës ka miratuar mandatin e Erion Veliajt, si kryetar i Bashkisë së Tiranës edhe për 4 vitet në vazhdim.
Kështu gjykata ka konfirmuar vendimin e Komisionit Qendror të Zgjedhjeve.
Ndërsa, pritet që brenda kësaj jave, gjykata t’i hapë rrugë konstituimit edhe të Këshillit Bashkiak që pritet të nisë punën normalisht në ditët në vijim.
Kujtojmë që Veliaj u rikonfirmua në krye të Bashkisë së Tiranës në zgjedhjet vendore të 30 qershorit ku kandidonte përballë kundërshtarit nga Bindja Demokratike Arben Skënderi.
Nga këto zgjedhje Veliaj mori 142,866 vota më shumë se Skënderi.
