E vizitoi javë më parë në burg, zbulohet çfarë e lidh Kujtim Gjuzin me Nehat Kullën

Disa javë më parë deputeti Kujtim Gjuzi vizitoi burgun e Fushë-Krujës.

Kjo shkaktoi habi pasi nuk ndodh shpesh që një deputet të vizitojë institucionet e vuajtjes së dënimit.

Pas vizitës Gjuzi tregoi që në qeli kishte takuar dhe Nehat Kullën, i njohur ndryshe dhe si ‘gjenerali’ në vitin 1997.

Më pas Gjuzi bëri dhe një intervistë për “Panoramën” duke i treguar të gjitha këto.

Por cfarë e lidh deputetin Gjuzi me Nehat Kullën?

Sipas dosja.al Gjuzi ka qenë një nga ‘ushtarët’ e bandës së Nehat Kullës në vitin 1997.

Thuhet se kjo gjë është e faktuar dhe me shkrime të kohës, kur banda kryente krime gjatë viteve të trazirave në vend.

Kujtojmë se Nehat Kulla ka lënë qelite e burgut të Fushë Krujës, pasditen e djeshme pasi përfundoi të gjitha ditët që i kishin ngelur nga vitet e dënimit.