E rëndë, përdhunoi të miturën, arrestohet pas disa orësh 45-vjeçari

Një ngjarje e rëndë ka ndodhur në Divjakë, ku mësohet se një 45-vjeçar ka kryer marrëdhënie seksuale me një 16-vjeçare.

Denoncimin e ka bërë vetë e mitura në komisariatin e policisë, dhe më pas është bërë i mundur arrestimi i këtij shtetasi.

NJOFTIMI ZYRTAR I POLICISE

Kapet dhe arrestohet nga policia autori i dyshuar për kryerje të marrëdhënies seksuale me dhunë me një 16 vjeçare.

“Pas kallzimit të marë nga një shtetase 16 vjeçe se shtetasi F.J ka kryer marrëdhënie seksuale me dhunë ndaj saj, efektivët e Komisaritit të Policisë Divjakë në bashkëpunim me FNSH Fier, pas disa orë kërkimesh bënë të mundur kapjen dhe arrestimin e 45 vjeçarit i cili ishte fshehur në një pyll të zonës së Divjakës”, njofton policia.

Materialet hetimore i kaluan për veprime të mëtejshme Prokurorisë pranë Gjykatës së Shkallës së Parë Lushnje.