E rëndë në Durrës, treni përplas kalimtaren, 35-vjeçarja në gjendje të rëndë

Një ngjarje e rëndë ka ndodhur sot në Durrës, ku një grua e moshës 35-vjeçare është përplasur nga treni.

Ngjarja ka ndodhur në hyrje të qytetit pranë urës së Dajlanit.

Mësohet se 35-vjeçarja është transportuar në spital në gjendje të rëndë shëndetësore.

Ende nuk dihen rrethanat por policia ka nisur hetimet.

Paraprakisht është bërë ndalimi i mashinistit me qëllim për zbardhjen e shkaqeve të ngjarjes.