Teuta e këtij sezoni duket se do të jetë shumë ndryshe nga ajo e sezonit të shkuar. Nëse vjet u bënë shpenzime të mëdha për lojtarë me eksperiencë, këtë vit durrsakët kanë ndryshuar kurs, duke afruar lojtarë të rinj.
Në këtë drejtim është edhe afrimi më i fundit i Teutës. Bëhet fjalë për një talent që është në xhiron e ekipeve të moshave të kombëtares, Uendi Vecaj.
Mbrojtësi 22-vjecar ka firmosur për Teutën një kontratë 3-vjecare, duke lënë kështu përfundimisht Dinamon e Zagrebit, ku ai u formua si futbollist.
Teuta pas këtij afrimi vijon të jetë prezente në merkato dhe në ditët në vijim pritet të ketë të tjera blerje që do i vihen në dispozicion trajnerit Bledi Shkëmbi.
