Digjet që në mëngjes makina e zyrtarit të ministrisë së Brendshme (EMRI)

Në orët e para të mëngjesit të sotëm një makinë e tipit “Hyundai” është djegur në lagjen nr.1 të Bilishtit.

Sipas Balkanweb mësohet se makina është në pronësi të Devi Agos, punonjës i Shërbimit për Çështjet e Brendshme dhe Ankesat, (SHÇBA) pranë drejtorisë vendore të qarkut Korçë.

Ky fakt I shton më shumë dyshimet që ngjarja mund të ketë ndodhur për shkak të detyrës.

NJOFTIMI ZYRTAR I POLICISE

Më datë 30.07.2019, rreth orës 02:20, në lagjen nr.1 në Bilisht, është djegur mjeti tip “Hyundai” në pronësi të shtetasit D.A, i parkuar para banesës së tij.
Grupi hetimor po punon për të sqaruar rrethanat e ngjarjes dhe përcaktuar shkaqet e rënies të zjarrit.