Të tjera detaje janë mësuar nga ngjarja e rëndë sot në Durrës, ku burri vrau bashkëshorten e tij. Sipas policisë motivi kryesor për momentin vijon të mbetet ai i xhelozisë.
Nga ngjarja e rëndë ai që e ka pësuar më keq është djali i vogël 8 vjeç, i cili do duhet të rritet pa nënën e gjallë dhe me babanë vrasës pas hekurave.
Për gazetarët lokal ka folur edhe daja i autorit që vrau gruan me thikë në zemër.
“E kam nip, djalë motre, na turpëroi zonën. Që kur ka hyrë në punë, bëheshe xheloz, por nëse bëhesh xheloz ndaje. Kishin një djalë. Ishte shumë çupë e mirë. Ai ishte në punë, punonte shofer i një drejtori të OSHEE nuk e di në Durrës në Tiranë. Nuk kishte probleme ekonomike. Një djalë kanë nja 8 vjeç. Korça nuk e ka në traditë të bëjë krime të tilla”, thotë daja i autorit.
